طريقة تحضير فلان باللوز بالصور
(هاد القياس كبير تقدرو تعملو النص):
12 بيضة
ربع كيلو د اللوز بالقشور ديالو
ربع لتر د الماء
400 غرام د السكر
واحد الساشي د فاني
كنكوبو السكر و الماء فكاسرولة و كنبقاو نحركوا مزيااان حتى يدوب ديك السكر فالماء و يرجع سيرو فحال هيدا و كنخليواه على جنب
هانا كنصور بانو غير يدي هههه
كنطحنو اللوز بالقشور ديالو مزيااان فالطحانة الكهربائية حتى يرجع فحال العجينة
كنشبرو واحد جبانية كنكوبو البيضات كنطربوهوم مزيان بالخلاط الكهربائي من بعد كنضيفو السيرو اللوز مطحون و فاني و نطربو عاود مزيااان هالصور كتوضح كلشي
كندهنو المول بالكراميل انا عدلتو عملت السكر يتحرق حتى رجع كراميل و دهنت المول خسك دهنو دغيا حيت كيقصح و كنكوبو الخليط و كنعملو المول فشي لاصة تكون غارقة نعملو فيها الما حيت هاد الفلان كيطيب فحمام مريم و ندخلوه ن الفران يطيب واحد الساعة و مرة مرة فتح عليه شوفو واش طاب حشي فيه الموس و اذا خرج يابس صافي طاااب
ملي كنخرجوه كنقلبوه فطبق التقديم و نعملوه يبرد فالثلاجة ملي خرجتو زوقتو باللوز ايفيلي و هالشكل النهائي ديالو بالصحة و الراحة
1
2
3