طورطة بالكريمة ساهلة والمذاق اروع بالصور

2بيضات
6 معالق زيت
6 معاق سكر
5 معالق طحين او حسب الخليط
6 معالق حليب
2 معالق كاكاو
و 2 خمرات حمر

تاطحنو كولشي فالمولينكس و نخويوه فطاوة ندخلوها الفران و ملي تطيب الكيكة نسقيوها باي سيرو تاتفضلو انا سقيتها بالقهوة.

مقاديرالكريمة :
250ml كريم كريم سائل
250g شكلاط ابيض
200ml كريم سائل
شوية من الكوك
الطريقة :
نديرو 250ml من الكريم حتى يسخن ونضيفو عليه الشكلاط و نستمرو فالتحراك حتى يذوب الشكلاط و نخليوه حتى يبرد فمرة عاد نطربوه ونخليوه جانبا.

تانطربو 200ml من الكريم بلا مانزيدو لها والو وملي تطلع نضيفو الكريمة لي طربنا فالاول ونزيدو شوية من الكوك ومانطربوش بزاف باش ماتنزلش الكريمة ونديروها فوق الكيكة ونرشوها بالكوك وندخلوها للتلاجة ومن الاحسن تبات ، تنتمنى تجربوها تاتجي وااااااعرة وااااعرة هههه انا مكانش عندي الوقت باش نزينا و درت غير الشكلاط وتنتمنى تعجبكم .