دنيا بطمة تبعث برسالة قوية لناشري صورها قبل الشهرة

وجهت الفنانة المغربية دنيا بطمة رسالة شديدة اللهجة، لمن وصفتهن بـ “المعقدات”، وذلك بسبب نشر صور لها وهي صغيرة أو قبل الشهرة.

وأوضحت “بطمة” في تدوينة طويلة لها على حسابها الرسمي بموقع “انستغرام”، أنها مثال حي للثقة في النفس كونها تعقد لقاءات بدون أي مستحضر تجميل على وجهها، مؤكدة إعجابها وافتخارها بصورها، التي ينشرها العديد على صفحات مواقع التواصل الإجتماعي بهدف التهكم والسخرية.

عزيزاتي المعقدات بغيت نعطيكم واحد التفسير على الثقة بالنفس لي كتفتاقدوها كلكم وكتبداو فينما معندكم ما تقولو كتجبدو صور دنيا بطمة وهي صغيرة وهي قبل سبع سنوات فنظركم معاجبنيش راسي بحالكم كنت وباقي عاجبني راسي لدرجة كنطلع لقاءات بدون مكياج جميلة الجميلات باقي مدارتهاش هه؟! باش تعرفو كمية التفاهة والتخلف مكتلقاو فيا ميتقال كتجبدو صور قبل وانا صغيرة كتصحابو كتستافزوني صوري قبل اجمل من بزاف،عمركم جبدتو تصاوركم قبل وبعد وقارنتو تطوّركم غتلقاو مكينش التطور الخيبا بقات خيبا حيت قلبها خيب بالخبث وتابعه الناس !عمركم قارنتو نجاحاتكم مع نجاحاتي اكيد فرق شاسع حضيتو تصاوري لي كيجيوني عاااااديين غير كتبردو بيهم على راسكم انتوما والفئران لُي مخبايين ورا حسابات وهمية وكيعيرو سيادهم ونسيتو راسكم ? من الاخر صوري في الماضي والحاضر والمستقبل مفخرتي، ونجاحاتي في الكفاية التي لا يختلف عليها اثنين وصوتي واسمي لي فارض نفسه الحمد لله ولي لقات فلوس باش دور بحالتها شويا يلا الميدان يا حميدان هههه ومتبقاوش لي ملقات ميدار تستعين بدنيا بطمه باش تجمع شوية متابعين مقدراتش تجمعهم بدراعها حيت الفم ماضي ودراع كادي وباراكا من لحيس صبابط ديال الفئران البرانيين باش يجيو منكم حالتكم تبكي العدو والله ? ولي كتهضر على التبدال متقدش عليه كنصحك بشامبوان ديال ساشيات هوا الاول غسلي شعرك وعاد هضري على التبدال ولافابوات غاليين عليك وغادي يحيرو فيك مكين منين يبداو ونتحداك يجي متبرع يبغي يدور لك بحالتك وتقولي لا حيت يخ منو وعيني فيه . وبليز شدو طريق وحدة كوميديا شو +صحافة بدون شهادة+إدارة اعمال بدون مؤهلات+دوران فالديور تاليل مجاتش سبع صنائع والرزق ضايع ونسيت بان سراق الزيت أنقى من شعرك مقريتيهاش ؟و لمخير فرجال فعائلتك اذا كينين رجال عندكم راه كيخافو من صراق الزيت فل تصمت يا شريك ?#كون_سبع_وكولني معنديش مع لي كيدير فيها سبع وملي كيجي فاص كيبدا يقفقف منكم عدددد الخوينزات والمشكلة نخياب تانخياب كنبقى زوينه على لمخيرا فطاسيلتكم لمخيرا تجبد تصاورها قبل سبع سنوات نتامل جمالها الساحر? عطيناكم اكثر من وقتكم يلا تلاحو☺ ولا عتب على اجسام البغال وعقول العصافير ?

Une publication partagée par @ dunia_batma le 22 Juil. 2018 à 10 :39 PDT

وأكدت “بطمة” اعتزازها بماضيها وحاضرها ومستقبلها، مشيرة أن نجاحاتها المتكررة كفيلة بأن تفرض اسمها في الساحة الفنية بدون أدنى منازع.

يذكر أن دنيا بطمة ستحيي حفلا غنائيا اليوم الأحد، بمدينة تيزنيت، بمناسبة مشاركتها بمهرجان تيميزار في نسخته لسنة 2018.