شهيوة خفيفة للعشاء

السلام عليكم ورحمة الله وبركاته :
المقادير :
– 3 حبات طماطم محكوكة
– 4 حبات بطاطس مقطعة مربعات صغيرة ومقلية
– قزبور ومعدنوس مقطعين
– فصين ثوم محكوك
– 5 حبات بيض
توابل : ملح وابزاروتحميرة وقليل من زعفران الملون
– زيت بلدية
– زيتون مقطع وطرف صغير حامضة مصيرة
الطريقــــــــــــة :
في مقلاة كنشحروفي قليل من الزيت طماطم + التوابل +زيتون+حامضة +قزبور +ثوم ثم كنزيدو قليل من الماء حتى كتطلق لينا لصوص في نفس الوقت نكونوا وجدنا البطاطس
ونقليوها
ملي نحسوا صوص ديالنا تخترات يعني اندامجت مزيان انا كنحولها لمول ديال الكيك ونخويها فيه ثم كنغطيها بالبطاطس مربعات المقلية ونصب عليهم البيض وندخله الفرن حتى يطيب البيض
ممكن تحتفضوا بالخليط في المقلاة وتكملوا الطريقة في المقلاة حسب الرغبة
وهذا هو الشكل النهائي انا كتعجبني في المول لأنه كيعطيها منظر زوين
نخليكم مع الصور نتمنى تعجبكم وتجربوها تستحق التجربة

كتجي هائلة ممممممممممم

انا كنديرها في هاد المول اللي كيتفتح باش اسهال نحيدها ونقدمها فيه