دجاجة معمرة بالروز
دجاجة معمرة بالروز
المقادير:
الروز مسلوق مع شوية ملح
زبيب – كركاع – اللوز (الى متوفرين, ولا غير زبيب بوحدو هو اللي درنا هنا)
قرفة – ورقة سيدنا موسى
ضامة ديال البنة بنكهة الدجاج
1 م ك عسل
زعفران – شوية زبدة
1
2
3
للتزيين: مشماش معسل أو سفرجل معسل اكيد بالسكر و القرفة وهنا درنا سفرجل يتعسل
نمر للطريقة الدجاج
غتغسلو دجاجة مزيان
بالحامض و ملح
غدهنوها كاملة ب ضامة بنة دجاج و زعفران فقط من اجل اللون , متخليو فيها حتى قنت, من لداخل و برا و بين جلد و لحم … منوصيكمش هههه
الحشوة :
غاتاخدو الروز اللي سلقناه و ضيفو ليه زبيب , زبدة , قرفة ورقة سيدنا موسى , 1 معلقة كبيرة عسل , 1/2 ضامة بنة
وخلطو مزيااااان, منكوليكمش خليط الحلاوة و الملوحة كيف كايجي ممممممم
اوا و عمرو الدجاجة و خيطوها و لووها في papier aluminium
وفوروها في الكسكاس
بعد ما طيب حطوها في طبسيل الفرن بعد ما تحيدو papier aluminiumو حمروها مزيان
وهاهو شكلها من الداخل
وبالصحة والعافية