هدا هو السر ليكندير فالمسمن باش كيجي مورق وهشيش بطريقة ناجحة ومختلفة ليداقو كيحماق عليه
مقادير العجين :
1
2
3
2 زلايف فينو رطب+1 زلافة طحين فورص رطب+معلقة صغيرة سنيدة لي كيبغي نكهة الفاني يدير شوية +قريصة خميرة الخبز +ملح +ماء دافئ للعجن
للتوريق :
زبدة محكوكة+زيت+خمارة الحلوى
إليك طريقة التحضير :
كتعجني عادي غير انا مكنعطيهاش الما من الاول كندلكها مزيان ونوعية الطحين مهمة كتخلي العجين دغيا يترخفومتكونش مرخوفة بزاف خاص تكون مدلوكة و شادة شوية ونخليوها ترتاح ونعملو كويرات صغار ونغطيوهم ببلاستيكة ، الزبدة نحكوها ونخلطو معاها زيت و خميرة الحلوى هادا هو سر ديالهم
بعدها نبسطو 2 كويرات وحدة ندهنوها بخليط الزبدة ونرشو شوية الفينو والكويرة الثانية نعملوها فوقها نكررو العملية حتا نساليو كلشي نطلقو وحدة ونورقو بخليط الزبدة ونرشو الفينو ونطويوها بحال الرغيفة ونكملو الباقي بالنسبة للطياب كنطلقو كل رغيفة ماشي بزاف والمقلة خاصها تكون سخونة والعافية شوية مجهدة وغير نحطو الرغيفة ثواني غير تحس ونقلبوها
ونقدموه بالصحة والراحة