فطيرة سهلة للضياف لي كيجيو على غفلة نصف ساعة ها هي واجدة ومنظر ومذاق رائع

المكونات

• 150 غ دقيق
• نصف كاس حليب
• بيضة
• 2 معالق سنيدة
• ملح
• 1 فاني
• 1 خمارة الحلوة
• 1 معلقة صغيرة كاكاو

الطريقة
كنطربو بيضة مع سنيدة مع الفاني ونزيدو الحليب ونطربو مزيان، ومن بعد نزيدو الدقيق والخميرة ونبداو نخلطو مزيان وكتجي العجين ثقيلة شوية على عجينة لكيك، كناخدو 2 معالق من العجين ونخلطوهم مع الكاكاو ونزيدو شوية الحليب باش يجي سائل.

فمقلاة ساخنة مكتلصقش ندهنوها بالزيت ونحطو فيها العجين ونزينوها بالخليط ديال الكاكاو فحال الي فالصورة.

من بعد نحطوها على النار ونغطيوها حتى تبان لينا طابت من لتحت ونعاودو نقلبوها.