الشوصون بالطون ساهل ولذيذ بالصور

الشوصون بالطون ساهل ولذيذ بالصور
نص كيلو الدقيق + 3 مغارف د نيدو + ملح والما باش نعجنو والخميرة د الخبز مدوبة ف الما وف الاخير ندلكوها شوية بالزيت
نخليوها تخمر نمشيو نوجدو الخليط
ممكن تعملو عجينة العشر دقايق المعروفة حتى هي كتجي مزيانة
3 طويسات التون ايزابيل العادي او اي تون اخر د الزيت + زلافة د الزيتون اخضر بلا عضام نطحنوه مع شوية د المعدنوس ونخلطو كلشي مع التون مصفي من الزيت مزيان ونزيدو شوية د الهريسة
وعاد نطلقو العجينة بالمطلق ونعملو طبقة الزبدة ونتنيوها على 4 ونخليوها رباع ساعة اخرى ف المجمد ونجبدوها ونطلقوها مستطيل ونعمرها فحال الصورة ونتنيو دورة كاملة ونلصقو ونقطعو الشياطة العجينة ونعودو مرة اخرى نفس العملية
ونقطعوهم بالموس على حسب الي بغينا
ونليوهم يخمرو نص ساعة او ساعى لاروب على حسب وندهنوهم بالبيض ونطيبوهم
ملي يخرجو نعملو عويدات الزيتون وبالصحة والراحة
على فكرة يمكن تعمل اي عجينة د السوشون الي كتعجبك ماشي ضروري هادي او عجينة العشر دقايق حتى هي
انا هادو الي عملت غير العجين الي شاطلي يعني رباع كيلو الدقيق وعملت الخليط 2 طويسات التون وزلافة صغيرة الزيتون وعطاني هاد الخير