مسمن معمر بالخضر بالصور مورق ولذيذ
طريقة تحضير مسمن معمر بالخضر
1
2
3
مسمن معمر بالخضر
طريقة تحضير مسمن معمر بالخضر
مقادير مسمن معمر بالخضر
العجين
زلافة فورص
نصف زلافة دقيق قمح او فينو
م ص سنيدة
نصف م خميرة حلوة
راس م خميرة خبز
ملح
ماء
الحشوة
بصلة مقطعة رقيقة
فلفل احمر واخضر اختياري
فلفل حار
شحمة(بالنسبة ليا كندوبها ونصفيها ونخليها فبواطة فالمجمد تتجي ساهلة وتذوبها كاملة متيبقاوش طريفات)
زيتون مقطع اختياري
ربيع مقطع
ملح/تحميرة/خرقوم/كمون
طريقة تحضير مسمن معمر بالخضر
تنخلطو مقادير العجين ونجمعوها بالماء عادي بحال الرغايف وندلكوها مزيان حتا تولي كطرطق
نشكلوها كويرات وندهنوهم بالزيت ونخطيوهم ببلاستيك ونخليوهم يرتاحوو
ندوزو للحشوة نعملو البصلة فمقيلة مع شوية زيت ورشيشة ملح ونخليوها حتا تعرق وتنزل شوية عاد نزيدو فلفلة ونخليوهم يطيبو
تم نضيفو توابل خرقوم وتحميرة شوية بزايد وزيتون وشحمة ونخليو الخليط شي 5دقائق ينساجمو و ذوب الشحمة نطفيو علا المقلة و نزيدو كامون وربيع
ونخليو حشوتنا تبرد وفنفس الوقت تكون العجينة ارتاحت
ناخدو كويرة من العجين ونورقوها مزيان بالزيت ونعمروها بشوية الحشوة ونطويوها بالطريقة العادية تاع الرغايف
ناخدو كورة اخرى ونعملو ليها نفس الشيء نورقوها وندهنوها بشوية الحشوة ونوضعو وسط منها الرغيفة لي وجدنا قبل
ونبقاو نعملو نفس الشيء حتا نوصلو لسمك لي بغينا انا استعملت 5 رغيفات
نخليوها تسراح شوية بينما سخنا الفران نكرصوها شوية وندخلوها طيب علا اعلا درجة عندك
فالفران حتا دوز شي 10 دقائق عاد نقصو شوية ونخليوها تكمل طيبابها
منين طيب وتحمر نخرجوها ونقطعوها مربعات ولا حسب الرغبة
هاهيا عن قرب تتجي مورقة وهشيييييشة بحال العجين المورق
هاهو المسمن واجد