كريب مالح بحشوة جديدة بالصور

كريب مالح بحشوة جديدة بالصور
المقادير

100ج طحين
1/4 لتر حليب
2بيضات
م ك سكر
2 م ك زبدة مدوبة

انا عملت نصف المقادير كيف ما مبين في الصورة

تنعملو كلشي في الخلاط يتخدم مزيان ونضيفو الزبدة في الاخير ونخليوه يرتاح 15د

ونطيبوه في مقلات مدهونة بالزبدة على الوجهين

ويدهن بالشكلاط ويطوى ويقدم مع الفواكه او حسب الرغبة

وبالنسبة للمالح يضاف الى المقادير السانوج والجنجلان ورشة ابزار

ويطهى نفس بنفس الطريقة

الحشوة
تشحرة بصلة حتى تدبال ونضيفو الكفتة وملح +ابزار +خرقوم+فلفلة حمراء +الحار اختياري +المعدنوس

يشحر الكل ونضيفو م ك مطيشة الحك ونحركو مزيان حتى تنسجم العناصر

نسرحو كريبة ونوضعو فيها قليل من الحشوة +جبن محكوك

ونغطيوها باخرى ونعملو نفس الشيئ حتى نعملو 4 طبقات

ولويوو حدة في قلب الاخرى كيف ما مبين في الصور

ونسدو الطرف الاخير بقليل طحين محلول بالماء

وتنحصلو على بودان بهاد الشكل

وتنقطعوه

وتنزلوهم في لاطة

وتنعملو فوقهم الفرماج محكوك وندخلوهم للفرن غير يدوب الجبن