السفرجل معسل مع البطاطس
السفرجل معسل مع البطاطس
لحم حسب الرغبة
سفرجل و بطاطس حسب الافراد
1 بصلة
1 ماطيشة
شوية قزبر و معدنوس
ملح ابزار خرقوم سكنجبير قرفة
معلقة سكر
ماء
تنصبي اللحم مع بصلة مشلضة و ماطيشة ملح ابزار خرقوم سكنجبير تشحري الكل شوية وتقدري بالماء وتخلي الحم مع المرقة يطيب ملي يطيب زيدي عليه البطاطس و شوية قزبر و معدنوس ورجعي الكل يطيب على نار مهيلة
في اناء اخر ديري الماء يطيب وقطعي كل سفرجلة الى اربع قطع وكل قطعة فلحيها في الوسط وحطي الكل في الماء على النار حتى طيب ملي يطيب صفية ديري فيه شوية سكر وشوية قرفة وشوية ديال المرقة اللي طابت فيها البطاطس وخليه على النار حتى يتشرب الكل, في هاد الوقت تكون البطاطس طابت والمرق ديالها ختار
خودي طبسيل حطي فيه الحم في الوسط ودوري عليه البطاطس وزيدي من الفوق السفرجل معسل
1
2
3
جربوها راها زوينة بالصحة و الراحة