حلويات عيد الفطر: غريبة لوز معلكة بالصور
حلويات عيد الفطر 2015 – غريبة لوز معلكة بالصور
1
2
3
المقادير:
نص كيلو لوز مسلوق نقشروه ونطحنوه مزيان
نص رابعة سنيدة+3 صفار البيض + 1 بيضة كاملة مع الاحتفاظ بأبيض البيض
ملعقة كبيرة زبدة مدوبة +خمارة حمراء +2 معالق كونفتير
قشور الحامضة محكوكة +شوية مسكة حرة كتعطي نسمة زوينة
للتزيين :سكر كلاصي سبيسيال خاص بالحلويات + اللوز ايفيلي + كوك مطحون مزيان.
الطريقة:
كنطحنو اللوز المرة الاولى بوحدو ونعاودو نطحنوه المرة الثانية مع السنيدة مزيان
كنطربو بالخلاط اليدوي البيض ونزيدو عليه اللوز ونضيف باقي المقادير
نقسمو هاذ العجين على 3 كورات
نصوبو كويرات وحنى كندهنو يدينا بماء الزهر ونفندوها فالسكر كلاصي
والكورة الثانية نزيدو عليها الكاكاو ونفندوها فالسكر كلاصي
والثالثة زيدي عليها الكوك مطحون مع شوية سنيدة .
وصاوبي كويرات صغار غطسيهم فابيض البيض لي كنا احتفضنا بيه ودوزيهم فاللوز ايفيلي ومن بعد ما طيب دهنيها بالناباج (الطريقة خودي كاس سنيدة مع كاس ماء وشوية قشرة الحامض محكوكة ونديروه على نار مهيلة حتى يتبدل لونو يولي ذهبي نطفيو عليه ونخليوه حتى يبرد عاد نستعملوه)
وحيت نكملو الكورات نشعلو الفرن من الفوق وتكون النار مهيلة ونخليو غريبة حتى تشقق عاد نشعلو التحت
راه كطيب بسرعة تقريبا 15 حتى 20 دقيقة تكون واجدة.
