لحم الغنمي للعراضات هدية لكل المبتدئات
لحم الغنمي للعراضات هدية لكل المبتدئات
1
2
3
غنحتاجو 4 كيلو غنمي نوصيو الجزار إيقطعو طراف كبيرة ،2بصلات كبار ،14فص ثوم مدقوق ،ربيع مقطع ،ملعقة كبيرة سكين جبير ،م ك خرقوم بلدي ،م ص ملح ،م ص إبزار ،نصف م ص بسيبيسة ،ملون ،أعواد قرفة ،م ك سمن ،كأس زيت مخلط .
تنخلطو جميع المكونات مع كأس صغير من الماء وكنشرملو قطع اللحم ديالنا و نخلوهم مرقدين ساعة أو أكتر حسب الوقت ثم كنشعلو عليه البوطة ونقليوه مزيان حتى دوب البصلة ثم كنمرقو بكأس صغير ماء ونسدو الكميلة ديالنا ونقصو العافية مزيان ومنساوش مرة مرة نقلبوه اللحيمات لي في الوسط نديروهم في الجناب والعكس باش إيكون متساوي في الطياب وملي إيطيب نشوفو المرق ديالنا إلى كان خاصو يتشرب نجهدو عليه العافية و نرشو عليه شوية القرفة وخويطات ديال العسل باش يتحمر مزيان .
للتزيين غنحتاجو برقوق ،سكر ،قرفة ،لوز مقلي
-
ثم كنوجدو البرقوق كناخدو المرقة من اللحم أثناء الغليان ونطيبو فيه البرقوق لي كنكونو فزكناه بالماء الساخن باش تزول لكحولة و كنوضعو القرفة عواد على البرقوق ثم السكر أو العسل ونعسلو البرقوق مزيان
اللوز كنصلقوه ونقليوه ونخليوه يبرد حتى لوقت التقديم .
-
ملي طاب اللحم ديالنا و ختارت المريقة كنصبوه في طبسيل و كنزينو بالبرقوق و اللوز و بالصحة و الراحة
اترك تعليقا
-
