الطحال معمر
الطحال معمر
ليوم تشهيت الطحال و جبتو عمرتو فالدار
نبداو بالمقادير
كنحتاجو طحال
1/2 كيلو كفتة
1/4 كبدة
و الملح -ابزار-كمون-تحميرة-فلفلة حارة- قزبور يابس مطحون و راس الحنوت و شوية ديال سكينجبير و المعدنوس مقطع
الصور غدي تشرح حسن مني
كنقطعو الكبدة و نديروها تشحر مع مليحة و ابزار
1
2
3
و نفحو الحال من الداخل
نجيبو الكبدة من بعد ما تشحرات نقطعوها طريفات رقاق بزاف
ونزيدوها على الكفتة و نديرو جميع التوابل و المعدنوس مقطع
و نخلطو مزيان
و نديروها فكيس بلاستيكي و نتقبوه ونبداو نعمرو الطحال
نخيطوه و نديروه فالكوكوط كيطيب على عافية مهيييييييييييييييييييلة لمدة ساعة و نصف مع ربع كاس ديال الماء و شوية الزيت و العطرية
منين يطيب نخلوه الفرن يتحمر و بالصحة والراحة