سيكار مالح مع كيفية تحضير ورقة البسطيلة بالصور
سيكار مالح مع كيفية تحضير ورقة البسطيلة بالصور
1
2
3
موضوع الاخت ام دعاء
تحضير سيكار مالح بالخطوات المصورة
اولا نوجدو ورقة لبسطيلة فمولينكس نوضعو كاس عنبة الماء شوية ملح و نبقاو نضيفو الدقيق شوية بشوية و حنا تنطحنو حتى يعقاد الخليط يولي بحال خليط البغرير
نوضعو مقلة طيفال فوق حمام مريم نبقي نحط شيتة فوسط الخليط اونبقى ندهن المقلة بزربة من فوق وحنا غادين حتى يبان لينا وجه المقلة تغطى بالخليط مين تبدى طيب راه تينشف وجهها
نحيدوها نحطوها فشي طبسيل مدهون بالزيت و ندهنوها من فوق بالزيت باش متهرسش نفس الطريقة حتى نساليو خليط الدقيق
الحشوة شلظت بصلة مع وريقات موسى شوية زيت لعود
مين ذبالت ضفت ليها صدر الدجاج مقطع خيزو قرع خضرا محكوكين ربيع سكين جبير كمون شوية ملح معلقة كبيرة مطيشة الحك شوية هريسة
مين تشحرات لخضرة مزيان ضفت ليهم مطيشة محكوكة
نحرك الكل حتى يعقاد الخليط نضيف ليه شعرية صينية مرطبة فلماء نخلط الكل
ثم نشكل سيكار بالحشو نلصقه بخليط الدقيق
نوضعوهم فطاوة مدهونة بالزبدة ندهنوهم من الوجه بالزبدة
الى بانت لينا الكمية كثيرة نلوي كل سيكار فلبلاستيك الغذائي نديروهم فسوبيرة ندخلهم للمجمد
مين يطيبو نحك فوقهم فروماج نوليو ندخلوهم لفران غي يذوب لفرماج نخرجوهم ثم نقدمم فطبق
