تتعرفي راسك خاصك تلبقي لوجهك..حطي واحد السر سوكور

1

2

3

حطي واحد السر سوكور:

عدنا من جديد ههههههه..

نتمنى كلشي يكون مليح ووجهو زين وصافي وبيضما كاين لا خبشة ولا نبشة..قولو امين

شكون منا اللي ما تتبغي تعبر على الانوثة والاهتمام بالنفس بشي ماسك باللي متوفر فالدار ولا تمشي تقلب فالمحلات والعطارة والفارماسي,,هدفنا واحد: الشعب يريد وجه زوين بيض وصافي

وشكون منا فمراهقتها ما مرت من متاهة البيوضية والحبوب,جيتي تبياضي بشي منتوج تيبيضكولكن تيخرج حبيبات,جيتي تداوي الحبيبات تشوط الوجه وتقشرولكن تتقولي المهم نتهنى من هاد العجب جيتي تقولي لاباس تتولي مرة مرة صبعانك تياكلوك..زعما ما يمكن نعمل شي ماسك
فالماسكات ماشي كل البشرات تتحملهم وكاين اللي فحالي وجهو حساس حتى البرد تيخليه يتقشر والصهد تيخليه يتزنك تتولي حشمانة بلا وقت
المهم انا عندي سر تنخليه للطواااااارئ ايلا شي نهار زغبني الله وبغيت نلبق شي تخربيقة ونكبر الشان لوجهي اللي غير منفخ ومعفر

غير حدي تنحاديه تيجعر تيحمااااااااار وتبان فيه الحساسية حتى تنعمل السر ديالي
تنشكر الاخت اللي حطاتو من قبل وسط واحد الموضوع
بغيتو تعرفو السر

ههههههه اللي سمع سر يقول ليك شي زبالة ديال الفلوس تاني في طريقها للاستعمال
انا سري غيييييييييييييييييير فالدار

ومن فوق هادشي تيخلي الوجه منور وتيبري بالصحة والجمال والنضارة
عمرني نتفارق معاه..ماشي راجل غير كملو الموضوع ههههه

بسهولة .. هو السمن الحار داااااااااااااك الحايل

تنشري 10 دراهم فيها الخير تبارك الله

قد ما قدام قد ما يكون ممتاز تصوري ماما كانت عملات ماء الاكسجين وتشوط ليها وجهها بالحمورية عملاتو والحمد لله..
انا فينما قفرتها تنعتق الموقف بالسمن الحار..
قبل النعاس تندهنو فالاول تيحرق شوية لانه تيتفاعل وينقي من الاعماق ومن بعد تيقشر الطبقة ديال الخلايا الميتة وتتهناي من كل الشوائب..

فالصباح تنغسل وجهي بجيل مافيه الصابون وصافي ملي تنتهنى ما تنبقى نعمل غييييييير الايكرون ديال الشمس حتى يزغبني الله مرة اخرى هههههههه
يالله اللي عجبو سري..شي دعيوة بظهر الغيب بالتوفيق والسداد

سلام..

شارك FacebookWhatsAppPinterest