عصير الحامض منعش ويقوي المناعة كيعطي 2 لتر

1

2

3

عصير الحامض:

هاد العصير اقتصادي جدا و تيجي رائع و تيعطينا 2 لتر الى كانت الحامضة او برتقالة كبار ولتر و نصف ال كانو متوسطين.

طريقة تحضير عصير الحامض منعش ويقوي المناعة كيعطي 2 لتر :

تنشدو حامضة ونغسلوها مزيان و نحكوها بقشورها هي وبرتقالة ولكن نحيدو منها لعضومة كاملين راه الى فلت ليك شي عضم تيجي العصير مر. وحتى إلى كانت اللبابة البيضاء ديالها غليضة كنزولوها كنخدمو غير بالقشرة الصفرة و كنحكوها فالحكاكة ملي نوصلو اللبابة البيضاء نزولوها بالموس و نلوحوها و نخدمو فقط القشرة والحامض و كنطحنوهم مع نصف لتر ماء . و نزيدو معاها 3 موزات او شوية ديال الفاني إلى بغيتي أولا وريقات نعناع و ملي تطحن نزيدو لكمالة ديال 2 لتر ديال الما و نخليوها شوية وعاد نصفيوه و نزيدو سنيدة على حساب لحلاوة لي بغيتو و (أنا كندير 7 أو 8 معالق كبار ديال سنيدة) تخلطو مزيان و ها لعاصير واجد.