سفة الكسكس بالحليب بطريقة سريعة ولذيذة

1

2

3

السلام عليكم و رحمة الله و بركاته

سفة الكسكس بالحليب بطريقة سريعة ولذيذة

مقادير ز كريقة تحضير سفة الكسكس بالحليب بطريقة سريعة ولذيذة

من الاخت ام اسامة و ايمان جزاها الله عنا كل خير

هاد السفة سريعة التحضير وكتجي لذيذة بزاف نتمنى تجربوها وتعجبكم إن شاء الله

مقادير سفة الكسكس

 نصف كيلو كسكس + نصف ليتر حليب مسخن مزيان + شوية ملح + تقريبا 2 م ك زيت

طريقة تحضير سفة الكسكس

نبسبس الكسكس مع الزيت ثم نضيف عليه الحليب سحون كامل ونغطيه بالبلاستيك الغذائي مزيان

ونخليه تقريبا 20 دقيقة ونشوفو

غادي نلقاه تشرب الحليب كلو نفركو مزيان بيدي ونرجع نغطيه وحد 5 حتى ل 10 دقائق

فهاد الوقت كنت موجدة طنجرة الكسكاس فيما ماء طايب + نصف كأس ماء الزهر+ شووية ملح + 1 فاني

وعملت فالكسكاس شوية د الزبيب وشوية د المشماش يتفورو

عملت الكسكس ديالي يفور مرة وحدة لأن ديك العملية ديال الحليب لي ضفنا فالأول كتغنيك على أنك تعاود التفويرة وهاد الطريقة كنعملها حتى للكسكس العادي

حيدت الكسكس وضفت ليه طريفات الزبدة وخلطتو حتى دابت وضفت السكر حسب الذوق والقرفة والزبيب وزينتها باللوز مقلي ومطحون

رافقتها مع كوكلي محمر والتفاح معسل

شارك FacebookWhatsAppPinterest