كيكة اوريو بشكل جديد ومذاق رائع بالخطوات المصورة

كيكة اوريو بشكل جديد ومذاق رائع بالخطوات المصورة
مقادير طبقة الاولى : الكيك

• • 8 ملاعق زيت
  • 8 ملاعق حليب
  • 8 ملاعق سكر
  • 2 بيضات
  • فاني
  • ملعقة كاكاو
  • 8 ملاعق دقيق
  • خمارة واحدة

نخلط الكل جيدا ونصبه في صينية قابلة للفتح من الجوانب قطرها 24 سم و ندخلها للفرن.
السيرو:
في كسرولة نعمل كاس السكر و2 كيسان ماء و معلقة كبيرة من الكاكاو فوق النار لمدة 10 دقايق
من بعدما طيب الكيكة وتبرد نسقيها بالسيرو (السيرو خاص يكون بارد و الكيكة باردة)

الطبقة الثانية : المقرمشة
كركاع (جوز) او لوز مقلي او اي نوع محبب من المكسرات.
نوزع عليها طبقة المكسرات

الطبقة الثالثة
1 لتر حليب
4 ملاعق كبيرة كريم باتسري  (استعملت كريم باتسري غبرة اديال)
8 ملاعق  سكر سنيدة
ملعقة من سكر الفاني
2 أكياس فلون الشينوا ( الفلون الشينوا هو اللي كيعطي لون اصفر وفي حال عدم توفره  ممكن تعويضه بفلان فاني.)
نعملهم في كسرونة حتى يختار الخليط ثم نضيف ليه 100 جرام من الزبدة و نزولوه من فوق النار ونخلط جيدا و نزيد 12 قطعة اوريو مقسمة الى قطع ( بسكوي اوريو انا عوضته بالمنتوج المحلي اويو راه كيتباع فالحانوت ورخيص)،و نخلط الكل.


ثم نصبه مباشرة وهو ساخن فوق الطبقة الثانية وندخلها الثلاجة.

الطبقة الرابعة : الكلاصاج
300 مل عصير الخوخ الجاهز(دناو كيتباع فالحانوت كيعمل دراهم 5).   مع فلان عادي و 2 ملاعق سكر و نعملهم فوق النار حتى الغليان ونفرغهم مباشرة فوق الطبقة الثالثة ثم الى الثلاجة مرة اخرى

التزيين 
من بعدما بردات زولت الاطار و زوقتها بخطوط من الكراميل و الفواكه.
ممكن تعويض الكراميل  بالشكلاط ابيض مذوب مع القليل من الحليب

وهذا الشكل النهائي لكيك الطبقات البارد بالصحة والراحة