كلمار معمر
كلمار معمر
لتعمار الكلمار بغيت نقدمها
المقادير : طماطم كلامار رجلين كلامار جزر مسلوق فلفل أخضر مقطع قسبر ومعدنوس ثوم حامض مصير شعرية صينية
التوابل لنحتجو الملح زعفران خرقوم كمون ابزار تحميرت
1
2
3
كنخذو الفلفل كنديره في مقلات مع الزيت يتحمر ثم نضيف رجلين الكلامار مقطعين يتقلو شوية ونزيد عليهم الجزر قسبر ومعدنوس ثوم طرفات الحامض مصير ثوم توابل ثم شعرية صينية لنكونو رتبناه في ماء سخون وقطعناها بمقص نحرك مزيان حتى تتجانس المقادير ونخلوه تنشف فوق العافية ثم نبداو نعمرو بها الكلمار أنا شطتلي العمارة عمرة بها الفلفل
لتحضير لصوص خذيت الطماطم حكيتها ضفت عليها التوابل الثوم القسبر والمعدنوس زيت شوية ماء خلتهم مزيان وديرتهم في صني لكيدخل للفرن وستفت فوق منها الكلمار والفلفل لمعمرين غطتها بورق الالمنيوم ودخلتها للفرن طيب من طابت زولت ورق الالمنيوم رشتها بلمتذريلا ودخلتها للفرن درتها لتحت بش تحمر
لتقديم ممكن تقطعهم دوائر وذاتهم مع لصوص لطبو فيها أو تقدمهم كما هما