كيكة القهوة مقادير بسيطة وطريقة سهلة

كيكة القهوة مقادير بسيطة وطريقة سهلة

المقادير

2بيضات- نصف كأس زيت نصف كأس سنيدة نصف خمارة حمراء او بيكين باودر ملعقة قهوة نسكافي ملعقة بدرة كاكاو مسوس 4 معالق طحين
الطبقة الثانية 2دانون عادي + 5 معالق بدرة حليب نيدو ممكن تستبدلي دانون بدانون مسوس لكن تضيفي 5معالق سنيدةمتوسطين
الطبقة الثالثة 1فلان كراميل +2فلان شكلاط 5معالق سكر سنيدة على حسب ذوق +ملعقة كاكاو +ملعقة نسكافي ثلاث كؤوس كبار ماء

الطريقة

تاخدي الطبقة الاولى بيض مع سكر سنيدة طربيهم وضيفي زيت وخميرة كاكاو نسكافي وطحين صبي الخليط في طاوة مدهونة غير من القاع متدهنيش جوانب باش تفاداي الفجوة دخليها الفرن طيب حاولي متحمرش من التحت مزيان حيت غترجع للفرن
الطبقة الثانية خلطي دانون مع بدرة الحليب حتى تحصلي على كريمة جيبي الطاوة حاولي تخلي الطبقة الاولى مستوية الى منفوخة من الوسط ضغطي عليها حتى تولي مستوية وصبي الخليط الثاني وسرحيه مزيان حاولي تسدي جوانب حتى ميتسربش الخليط الثالث متخليش حتى فجوة في الجوانب ودخليه للفرن مرة ثانية. ونقصي الحرارة مزياان حتى يعقاد دانون ولمسيه بشوي شوفيه الى مكيلسقش خرجيها جهزي الطبقة الثالثة ديري المقادير كلها في كسرولة وحركيهامزيان سخنيها حتى تغلى خليها تبرد شوية وصبيها فوق الطبقة الثانية وخليها على سطح طاولة متساوي حتى تعقاد دخليها الثلاجة ومن بعد زينيها بطريقتك وبالصحة والراحة