طريقة تحضير السفة المدفونة

كمية من الدجاج- أنا درت الصدر- بصلة مشلضة ربيع مقطع ملح ابزار سكنجبير كركم عود لقرفة معلقة دلعسل السفة رقيقة شوية زيت العود للتزيين أنا درت اامشماش والكركاع والزبيب

الطريقة:

كندهن الشعرية الرقيقة يزيت لعود مزيااان، ومن بعد كنردها تفور مدة 20د

منين تبخرات، درتها بالكسكاس ديالها فوسط بانيو، وخويت عليها لما الطايب اللي كان فلكدرة وحركتها بالفورشيط باش تحل

خليتها تسقطرات فلكسكاس مزيااان، عاد رديتها للكصرية، ودهنتها مرة أخرى بزيت لعود ،وخليتها حتى تشربات لما، عاد رديتها تفور للمرة الثانية مدة 20 د
منين تبخرات للمرة التانية، رشيتها بالحليب مخلط مع الملح والفاني، وخليتها حتى تشرباتو مزياان، عاد رديتها تفور للمرة الثالثة والأخيرة مدة 15 د،ووضفت عليها شوية الزبيب
والمريقة ديال الدجاج هاهي وجدات
منين وجدات السفة وطابت ، رشيتها بالسكر كلاصي، وحليتها بشوية الزبدة، وقدمتها