طارط باردة رااائعة تقدم ديسير

طارط باردة رااائعة تقدم ديسير
السلام عليكم
هادي اول مشلركة لي , كنتمنى تعجبكم الطارط ديالي و تجربوها .
راها كتجي رائعة فالمنظر و فالمداق.
و الأهم أنها كتحمر ليك وجهك قدام الضياف.

نبداو على بركة الله المقادير.

مقادير الجنواز:
1 بيضة
½ كاس عنبة سنيدة
½ كاس عنبة حليب
¼ كاس عنبة زيت
1 كاس عنبة دقيق
2 معالق كبار بودرة الكاكاو
1ساشي خميرة
المول خاصو يكون كيتحل

طربي البيضة مع السكر , ثم ضيفي الحليب و الزيت و الكاكاو.
غربلي الدقيق مع الخميرة و ضيفيهم للخليط.
طيبي الجنواز في فرن مسخن على درجة 180.

بعدما تطيب الجنواز وتبرد خليها فالمول الي كيتحل و حضري الكريمة.

مقادير الكريمة :
10 قطع بسكوي الزبدة مطحون بودرة
1 كاس كبير قشدة طرية
4 ساشيات من بودرة الكريم شانتيي.
1 علبة صغيرة حليب مركز{ ماشي المحلى}
6 كيري

طربي كيري مع القشدة الطرية, ثم ضيفي الحليب المركز , ثم ساشيات الكريم شانتيي .
و في الأخير البسكوي مطحون.

كبي خليط الكريمة فوق الكيك و دخليه ابرد 4 ساعات ومن الاحسن ليلة كاملة

للتزيين :
كرات الشوكولا مالتيزير
و شوكولا دائبة
بعدما تبرد التورتة مزيان زينيها كيف بغيتي و قدميها باردة ديسير.
و بالصحة و الراحة