طريقة تحضير بسكويت بزبدة الكاوكاو
طريقة تحضير بسكويت بزبدة الكاوكاو
المقادير :
1
2
3
- 50 غرام زبدة
- 3 معالق كبار زبدة الكاوكاو
- 100 غرام سكر كلاصي
- 2 مثلثات فرماج
- 100غرام دقيق الابيض
- نصف معلقة صغيرة خميرة الحلوة
- اصفر بيضة
طريقة تحضير :
كناخدو الدقيق والخميرة ونغربلوهم ونخليوهم على جنب وندوزو نوجدو كريمة كنديرو الزبدة وزبدة الكاوكاو والفرماج والسكر صقيل ونطربو هادشي كامل بالطراب الكهربائي حتى تولي عندنا كريما متماسكة وخفيفة وعاد نزيدو عليه الدقيق
والخميرة لي غربلنا من قبل ونحركوهم غير بمعلقة ديال الخشب اولا السليكون بحركة دائرية فاتجاه واحد وفالاخير عاد نزيدو اصفر البيض وملي تجمع لينا العجينة لي غتكون رطبة ومتجانسة مزيان غنشكلو كويرات قد الكركاعة ونستفوهم فطاوة مدهونة مزيان بالزيت ومرشوشة بالطحين وملي نكملو الكمية كاملة نبركو على كل حبة بالظهر ديال الفورشيط ونسخنو الفران
على درجة حرارة متوسطة وندخلوه يطيب وملي يتحمر نخرجوها حتى تبرد ونقدمو بسكويت بزبدة الكاوكاو بالصحة والراحة