وصفة مجربة و رهيببة لترطيب و تفتيح المناطق الداكنة بالجسم
وصفة مجربة و رهيببة لترطيب و تفتيح المناطق الداكنة بالجسم
ليوم انا عندي ليكم وصفة جميلة و سهلة لترطيب البشرة و تفتيحها و نتيجتها كتبان من اول استعمال راني مجرباها و صدقوني ايلا گلت ليكم تصدمت من النتيجة
المهم بلا ما نطول عليكم بالهدرة نعطيكم مكونات الوصفة :
1
2
3
علبة گليسوليد احمر راه معروف
ملعقة كبيرة ماء ورد
ملعقة كبيرة من الشبة مطحونة
ملعقة صغيرة من بيكاربونات الصودا
ملعقة صغيرة من النشا
كانخلطو المكونات كلها مزيااان حتى ينسجمو ومن بعد نديروهوم فشي بواطة خاوية
بالنسبة ليا كانستعملها لرجلي و يدي و الركب و المرافق و كانديرها للابط كذلك بدل مزيل العرق لان الوصفة ريحتها روعة وكذلك مع المداومة كاتبيض .
مني نبغيو نستعملو الوصفة ناخدو لقياس لي يقدنا وندهنو بيه لبلاصة لي بغينا ونخليوه تااا ينشف ومن بعد نبداو نبرموه صدقوني غاتخلعو يلا شفتو شنو كايخرج من البشرة من اوساخ و خلايا ميتة واخا تكونو عاد مدوشين .من بعد شوفو البشرة كيف غاتولي بالنعومة والريحة الزوينة
كانتمنى تجربو الوصفة ولي جربتها تعطيني الرد ودعي معايا الله يسهل عليا ويعطيني مانويت فخاطري