طريقة تحضير حلوة بالفرماج روعة بالصور
طريقة تحضير حلوة بالفرماج روعة بالصور
المكونات:
1
2
3
- 125 غرام زبدة بحرارة المطبخ
- نص كاس سكر صقيل
- نص كاس زيت
- 1خمارة
- 3 الفرماجات
- 500 غرام دقيق تقريبا على حسن نوع الدقيق
الطريقة:
نخدمو الزبدة وسكر صقيل مزيان حتى تولي كريمة ونزيدو الفرماج ونخدموها مزيان حتى يتخلطو تم الزيت ونبقاو نخلطو عاد نديرو زلافة دقيق ونتبعوها الخمارة عاد نجمعوها خاصها تبقى رطبة شوية
نخليوها ترتاح 5 دقايق ونشكلوها كيف بغينا ونديروها في سكر صقيل هنا استعملت مرشم ديال المعمول نديرو بلاستيكة فوق لمرشم عاد نعمروه بالعجينة ونضغطو عليها مزيان ونقلبوها في صينية مدهونة نديىو حفرة صغيرة لوسط وندخلوها طيب على درجة حرارة 180 حتى تحمر من لتحت عاد نحمروها من لفوق نخليوها ترتاح شوية غير تولي دافية ونمرمدوها في سكر صقيل مغربل من قبل ونزينوها بالكونفتير فريز او حب لملوك المهم احمر او شكلاط اختياري
