طريقة تحضير طورطية فالفران سهلة وكتجي لذيذة
طريقة تحضير طورطية فالفران سهلة وكتجي لذيذة
1
2
3
المقاديروطريقة:
كناخد بصلة كبيرة كنشحرها فشوية دالزيت الزيتون تقريبا
ربع كاس مانخليها تحمر غير طيح وكنكون وجدت بطاطا قطعتها مربعات صغييرة فحال لي فالصورة كندير الملح وجوج ضروس ديال الثوم وكنقص البوطة فحال الى غدي طفى وكنغطيها ومرة مرة نحرك باش ماتلصقش راه دغيا كطيب ماكاملاش ربع ساعة
وكناخد زلافة كبيرة كنطرب فيها البيض ومعدنوس بكمية كثيرة
شوية ابزار
كمون
تحميرة
وكنطرب مزيان وكنفرغ ديك بطاطة لي طابت.
بغيتو تزيدو فروماج حمر زيدوه انا درت موتزاريلا.
صافي كتكوني داهنا المول قبل بالزبدة كتفرغيها ودخليها طيب من لتحت عاد خرجتها حكيت عليها موتزاريلا ورجعتها طابت من فوق ( الفروماج وموتزاريلا اختياري ماشي ضروري )
وتقدو طيبوها فالمقلة انا كتعجبني فالفران وبالصحة والراحة.
