طريقة تحضير طورطة الليمون
طريقة تحضير طورطة الليمون
المكونات:
1
2
3
- 3 كأس اتاي دقيق ابيض
- 150 غ زبدة مدوبة
- 2/1 كيس خميرة كيماوية
- 2/1 كيس فانيليا
- 3 ملعقة كبيرة سكر سنيدة
- شوية من الملح
كريمة الليمون كنحتاجوا:
- 4 بيضة
- 2/1 كيس خميرة كيماوية
- 2/1 كيس فانيليا
- 50 غ زبدة مذابة
- عصير 2 حبة ليمون متفوتيش كأس اتاي
- ليمونات محكوكين
- 1 كأس اتاي سكر
كريمة بياض البيض كنحتاجوا:
- 3 أبيض بيضات
- شوية من الملح
- 2/1 كأس اتاي سكر سنيدة
الطريقة:
للعجين:
في كصة نديروا الدقيق ونضيف ليه الخميرة الكيماوية والفانيليا ونخلطو مزيان من بعد نزيدوا الزبدة مذوبة ونخلطو مزيان باليدين، من بعد نرشوه بشوية من الماء حتى تتجانس العجينة وتولي تقيلة شوية، من بعد ندخلها للثلاجة لمدة نصف ساعة.
كريمة الليمون:
في كصعة نديروا البيض من بعد نزيدوا السكر ونخفقهوم مزيان من بعد نزيدوا الزبدة وعصير الليمون وقشور الحامض والخميرة الكيماوية والفانيليا ونخلطو مزيان حتى نحصلو على مزيج منسجم ومتناسق.
كريم بياض البيض:
في كصعة نديروا أبيض البيض ونزيد ليه شوية من الملحة ونخلطو مزيان بالخلاط الكهربائي نزيدوا السكر شوية بشوية مع الاستمرار في التحريك حتى نحصلو على خليط كيشبه الكريمة البيضاء أولا الثلج. نخرجو العجين من الثلاجة ونفردوه في الصينية المخصصة ليه نذهنها بالزبدة وترش بشوية من الدقيق الأبيض، نثقبوها مزيان بالشوكة وندخلوها للفرن ونخليوها حتى يولي لونها ذهبي. نخرجوها من الفرن ونصبو فوقها كريمة الليمون وندخلوها للفرن ونستناو حتى يعقد الخليط ويولي لونو ذهبي قريب من اللون البني. نخرجو الصينية من الفرن، ونزينها من الجوانب بدوائر الحامض ونفرغ فوقها كريمة بياض البيض وندخلوها للفرن لمدة خمس دقائق حتى يتحمر لون الكريمة من فوق. نخرجوها ملي تبرد شوية ندخلوها للثلاجة، حيت يستحسن تقدم باردة.