طريقة تحضير رغايف معمرين كيجيو لذاذ بزاف
طريقة تحضير رغايف معمرين كيجيو لذاذ بزاف
المقادير و الطريقة:
1
2
3
العجين:
- 2 زلايف فورص
- 3 م ك زيت
- م ص سكر
- شوية ملح
- م ص خميرة الحلوى
جمعي كلشي بلما دافي ودلكي العجين مزياان من بعد ديري كويرات صغار ودهنيهم بالزبت أنا عطاتني 9 ديال حبات…المهم خليهم يرتاحو وسيري وجدي الحشوة…
الحشوة؛
بصلة مفرومة شحريها في شوية الزيت مع الملح من بعد ماتطيح البصلة زيدي شوية كفتة وزيدي عليها شوية سكين جبير ملح إبزار وتحميرة وشوية قسبور مقطع ومعكيها مزياان من بعد ماتطيب الكفتة زيدي شوية زيتون أخظر مقطع وشعرية الصينية لي رطبناها في الماء وقطعناها قبل وزيدي م ك صوص صوجا وخلطي كلشي مزيااان
وبداي تعمري كويرات العجين سرحي العجين بالزيت والزبدة مذوبة مزيااان حتى يولي رقيق وديري شريحة من فرماج السندويتش ونزلي الحشوة في الوسط و طوي العجين
بحال لي كانطويو المسمن ونزليه في صينية الفرن ودهنيهم بالبيض ورشيهم بشوية الحبة سوداء وجنجلان ودخليهم يطيبو في الفرن وحمريهم من فوق
وبالصحة والراحة
