غريبة معلكة بالكاوكاو
غريبة معلكة بالكاوكاو
غريبة غززالة وتتجي معلكة ومتتاخدش وقت طويل فالتحضير بسم الله وعلى بركة الله المقادير 250غ كاوكاو او مايسمى بالفول السوداني محمر ومطحون للاشارة هنا نقيت النصف والنصف لاخر خليتوا بقشرتوا 2 بيضات 50غ كوكو جوز الهند 70 غ سكر خشن سنيدة 1 فاني 2 معالق كبار ماء الزهر 1 معلقة كبيرة زبدة دايبة نصف خمارة كيماوية 3.5غ تقريبا ومعلقة كبيرة مربى المشمش
1
2
3
تنطرب البيض الزبدة ماء الزهر السكر والفاني
نزيد معلقة المربي
تنزيد الكاوكاو والكوكو والخميرة الكيماوية
نخليها ترتاح مدة نصف ساعة
نوجد شوية ماء الزهر والسكر الابيض رطب سكر كلاصي نفزك يدي بماء الزهر ونعمل كويرات صغار ونفند الوجه فالسكر كلاصي ونحطهم فلاطة مدهونة بالزيت
وندخلهم للفرن يكون ساخن من قبل ونعمل وجه الغريبة يطيب هو الاول باش تششق وعاد تنطيبها من الجيهة التحتانية من الاحسن يكون شاعل من كلتا الجهتين
وبالصحة والعافية