كاطو رائع بالحامض
كاطو رائع بالحامض
مقادير الجينواز 4 بيضات 120 سكر خشن سنيدة 100 غ دقيق ابيض 20 غ نشا و1 فانيلا
1
2
3
تنخدم البيض السكر الفاني بالخلاط حت تيتضاعف الحجم ونحصلوا على خليط ابيض
نزيد الطحين هو والنشا تدريجيا وانا تنخلط من الاسفل للاعلى وبملعقة خشبية
نعملوا الخليط فالمول المخصص بعدما نكونوا دهناه بالزبدة ورشيناه بالدقيق وندخلوها طيب فالفرن
كريما الحامض
150غ سكر رطب كلاصي 2 بيضات كاس عصير الحامض ومعلقة كبيرة من قشرة الحامض و 50 غ زبدة بحرارة المطيخ
نعملوا الكل فكاسرونة ونخلطوهم مزيان ونعملوهم فوق النار مع التحريك المستمر مدة 5حت 7 دقاقيق حت نحصلوا على كريما عاقدة وملي توجد نخليوها تبرد مزيان
ناخد الجينواز بعدما تكون بردات و نقسموها على زوج ونسقيوها باي سيرو متوفر انا عملت شوية الماء والسكر وقشور الحامض خليتهم يغلاو مزيان وسقيت بيه الجينواز ووجدت كريم شنتي وشوية اللوز ايفلي محمر وبطبيعة الحال الكريما
خديت الجينواز عمرتها فالوسط بالكريم شنتي وعملت فوق منها شوية من كريم الحامض
غطيتها بالطرف الاخر من الجينواز وعملت الكريما فالوجه والجوانب وزينت باللوز ايفلي
وفلاخير عملت كريما الحامض وزينت الجوانب بالكريم شنتي وبشوية الشكلاط دائبة فحمام مريم فوجه الكاطو
وبالصحة والعافية نتمنى تجربوه تيجي رااائع ولديد