كيكة لديدة وسهلة
كيكة لديدة وسهلة
1
2
3
كًنتمنى تكونو كلكم بخير وعلى خير
هاذ الكيك من سنين هو الي كنعمله ديما والي يذوقه يعجبه
كنخلطو فمولينكس مزيان هذه المقادير
كاس كاكاو خام او كاوبيل
كاس سكر
كاس الا ربع زيت
كاس حليب سائل
2 معالق كبار حليب غبرة ( تقدروا تستغني وعليه اذا مكنشي)
1 لفاني
حتى نحصلو على صوص خاتر كنقصو منه كاس كبير ونعملوه في الثلاجة، ونزيدو على الي بقا 3 بيضات وكاس معامرش سكر (الي يبغي الحلاوة يقدر يزيد) وكأس زيت ودانون ( اي نكهة تعجبكم، انا كنفضل فاني) ونص كاس حليب ونخلطوهم مزيان
ونخويوه فشي إناء نضيفه له شوية كركاع محمر مهرمش ( انا كنعمل حتى شوية دمسحوق اللوز والبندق) وطحين الكافي وخميرة كبيرة ونعملوها في فرن سخون مزيان على درجة 180
مين كتطيب كن قسمها على زوج ونصب عليها نص من الخليط الي احتفظنا بيه في الثلاجة والنصف الثاني على الوجه ونزينوها كيف حبينا
كنخلط الكركاع مع شوية الطحين عاد كنضيفه للخليط باش ما ينزلشي لتحت