الرزيزة طايبة في الفرن بالصور

الرزيزة طايبة في الفرن بالصور
مقادير الرزيزة طايبة في الفرن

الدقيق الممتاز
ماء بارد جدا وهذا مهم جدا لنجاح الوصفة
شوية الملح
الزبدة مدوبة والزيت

طريقة تحضير الرزيزة طايبة في الفرن بالصور

نعجنو العجين خاصو يكون قاصح ويدلك مزيان حتى يرطاب من بعد نقطعوها طريفات ونعملوهم وسط بلاستيك غدائي ونتركوهم يرتاحو من بعد نسرحوهم بالدلاك

ثم ندوزوهم في المكينة ديال الرزيزة جهة الدلاك تكون رقيقة منساوش دائما نكونو راشين العجين بالدقيق باش ميلسقش من بعد ندوزوها في الجهة ديال السباكيتي نكون منزلين طبسيل فيه الزبدة والزيت

ناخد و المدلك ونبقاو كنجبد و العجين غير بشوية باش متقطعش ونلويوها عليه

نتبعو نفس الخطوات مع باقي العجين ونتركوها ترتا ح غير شوية من بعد بلا منكرسوها نحاول غير نوسعوها من الوسط بيدينا بجوج ثم
نعملوها تطيب في الفرن يكون سخون من قبل ومتوسط الحرارة ملي تطيب من تحت نعاود نطيبوها من فوق بلا متحمر ملي تطيب انخرجوها من الفرن ونحلوها وهي مزالة سخونة

وهذا الشكل النهائي للرزيزة طايبة في الفرن وبالصحة والعافية