كيش بالدجاج سهل التحضير و كيجي لذيذ

شهيوات رمضان

On مايو 30, 2017

المقادير :

مقادير العجين:

1 /4 كيلو دقيق
2 معالق كبار زبدة لينة
1 بيضة
نصف خمارة
شوية الملح
ماء بارد للعجن

الحشو:

– قطع دجاج
– بصلة مشلظة
– فلفلة مقطعة
– كاس حليب او كاس قشدة طرية
– 3 بيضات
– قزبر معدنوس
– توابل ( ملح . ابزار . شوية الخرقوم )
– جبن مفروم

طريقة التحضير :

تحضير العجين:

نعجنو جميع المقادير ونبسطها في مول مدهون بالزبدة والدقيق ونطلع العجينة مع جوانب المول ونتكها بفورشيط وندخلها الى الفرن باش تطيب نصف طيبة ونخليها على جنب

الحشوة :

نشحرو الدجاج مع قليل من الزيت والملح والابزار بدون ماء مع التحريك حتى ينضج الدجاج.
البصلة حتى هي نشحروها مع قليل من الزيت والابزار ونفس الطريقة للفلفلة .
تم نعملو الدجاج فوق العجينة وفوقه البصلة والفلفلة تم نصب عليه خليط الحليب والبيض و القزبر ومعدنوس وشوية الملح والابزار وشوية الخرقوم ونرش الجبن المفروم ونخلوهافي الفرن حتى تنضج تم نقدمها بصحة و عافية .