كيكة بالشكلاط والاجاص بالصور

كيكة بالشكلاط والاجاص بالصور

مقادير كيكة بالشكلاط والاجاص

بالنسبة لمول 18 سم غادي نحتاجو
100 غ شكلاط اسود
100 غ زبدة
3 حبات اجاص صغار ( 2 مقطعات طريفات صغيرة و وحدة مقطعة شرائح لتزيين )
ملعقة كبيرة عصير الحامض
2 بيضات
قبصة ملح
60 غ سكر
180 غ دقيق
70 مل حليب
2 معالق كبار كركاع مهرمش
قبصة قرفة
ملعقة صغيرة خميرة الحلوى
كيس فاني
لوز ايفيلي للتزيين

1- نذوبو الشكلاط مع نصف كمية الزبدة و نحتافضو بيه على جنب .
2- نفرقو البيض صفار على البياض و نطربو ابيض البيض مع قبصة ملح حتى يولي مثل الثلج و نحتافضو بيه على جنب .
3- نطربو الزبدة مع السكر و الفاني مزيان حتى تولي مثل الكريمة من بعد نبداو نضيفو صفار البيض وحدة بوحدة .

4- نضيفو الدقيق مغربل مع خميرة الحلوى و القرفة و نزيدو حتى الشكلاط مذوب و الحليب و نخلطو جميع المقادير مزيان .

طريقة اعداد كيكة بالشكلاط والاجاص بالصور خطوة خطوة

5- نزيدو الكركاع و الاجاص مقطع طريفات صغار نخلطو الكل .

6- نبداو نضيفو بياض البيض شوية بشوية و حنا كنحركو من التحت الفوق بالسباتول من بعد نصبو الخليط في مول مذهون بالزبدة و مرشوش بالدقيق , نزينو بشرائح الاجاص و اللوز ايفيلي و ندخلوه الفران مسخن على درجة حرارة 175 مدة 45 دقيقة .

7- ناخدو 2 معالق كبار حليب مع 2 معالق كبار سكر و نديروهوم في الميكروند حتى ذوب سنيدة , غير يطيب الكيك و هو مزال سخون نبقاو ندهنوه بخليط الحليب و السكر منها كيزيد الكيك يفزك و منها كيعطيه اللمعان يعني هاد الخليط هو نفس مفعول الناباج .

وهاهي الكيكة بالشكلاط والاجاص واجدة
وبالصحة والراحة

كيكة بالشكلاط والاجاص بالصور