كيكة البرتقال وحبيبات الشكلاط سهلة وبالصور
كيكة البرتقال وحبيبات الشكلاط سهلة وبالصور
1
2
3
إلى كيعجبكم مضاق الليمون وكتحماقو على شي حاجة سميتها الشكلاط بحالي أكيد غادي تعجبكم هاد الكيكةوغادي تجربوها لأنها فعلا تستحق التجربة معاه كنرجعو للكيكات القدام ديال أمهاتنا ديال 6بيضات و4خمارات باش تجي الكيكة طالعة ورطبة يعني كيكة عصرية بنكهة تقليدية نبداو باسم الله
هادو هما المقادير اللي درت
6بيضات
300g سكر مايعادل زلافة كبيرة
كاس كبير ما
عصيرليمونة
قشرة ليمونة محكوكة
نص كاس كبير زيت
فاني
2خمارات ديال 15غ
الطحين حسب الخليط
100غرام حبيبات شكلاط
في مولينكس خلطت البيض والزيت والسكروالما والعصير
في وعاء آخر خلطت الطحين والفاني والخمارات وقشرة الليمون
زدت خليط البيض وخلطت مزيان كنت درت 300gطحين جاني الخليط جاري زدت كمية من الطحين حتى حصلت على الكثافة اللي بغيت خديت المول دهنتو بالزيت صبيت فيه نص الخليط زدت نص كمية حبيبات الشكلاط
غطيتو بالنص اللي بقى وزدت حبيبات الشكلاط اللي بقاو
دخلت الكيك لفران سخون على حرارة 180لمدة45دقيقة هاهو منين طاب
رشيت عليه سكر كلاصي وقدمتو
هاهو عن قرب ياسلام على ريحة الليمون والشكلاط ولاأروع
