كيش طون والفلفلة اقتصادي وجديه للعشاء كيوجد في 10 دقائق والمداق شهوة منو
المقادير :
1
2
3
500غ دقيق فورص
بيضة
معلقة سنيدة
نص كأس مخلط زيت العود وزيت رومية
ملح
قبيصة خميرة الخبز
شوية زعتر
الطريقة :
كنجمعو مكونات العجين بالماء ونخليوه يرتاح بينما وجدات الحشوة ، نسرحو العجين في قوالب صغيرة مدهونة بالزبدة و مرشوشة بدقيق ونتكوها بالفرشيط وندخلوها للفران طيب نص طيبة
الحشوة :
بصلة مشلضة
فلفلة خضرا مقطعة مربعات صغيرة
فلفلة حمرا مقطعة مربعات صغيرة
ملح +ابزار+خرقوم ملون
زيت
نشحروهم مزيان حتى تدبال البصلة والفلفلة ، نعملو خليط الفلفلة والبصلة لتحت ونديرو فوق منو الطون مصفى من زيت
نطربو 2 بيضات مع شوية الملح ونفرغوهم عليه ثم في الاخير نعملو شوية الفرماج محكوك ، ندخلوهم الفران حتى يطيب ويتحمر
والعجين لبقا لينا ممكن نعملو منو بيتزات صغيرة وندخلوهم المجمد
وبالصحة والراحة