الرزييزة مسقية بالدجااج ومزينة ببصلة
الرزييزة مسقية بالدجااج ومزينة ببصلة
بالنسبة لمقادير الرزيزة فهي الطريقة العادية لي كنديرو ديماا
خدينا الدجاج معسولين مزيان ونديرووهم في طنجرة لي غيطيبو فيها ونديرو بصلة مشلضة بكترة نراعييو اننا غادين نمرقو الرزيزة فلازم تكون عندنا مريقة متبلة مزيان ونديرو التوابل العادية ملح ابزار سكين جبير وخرقوم وخليط بين زيت بلدية وزيت رومية ووورقة سيدنا موسى ونشحروهم مزياان ونقليوهم ونمرقو جهد الدجاج يطييب فقط اما مرق لي نسقيو بيه من بعد عاد نزيدو المهم نخليو الدجاج يطييب مزياان حتى يطييب وتووقف فييه المرييقة وتتشحر ونحيدو طريفات دجاج او دجاجة كاملة على حسب لي غتديروو ونزيدو المرق الكافي لي نسقييو بيه الرزيزة والدجااج ندخلوه للفران نحمروه شوية
ونكونو يلقين اللوز وقلينووه
نجيو لتحضيير البصلة والزبيب انا خدييت بصلة مشلضة بشكل طوليي ودرتها في كسرولة مع شوية من المرق لي طيبنا فييه وراها كافية تعطيها الطعم وبعد ما البصلة تدبل شوية نكونو عندنا الزبيب مرطب من قبل في الماء ونضييفوه عليها وحنا كنحركو ونزيدو قرفة والسكر حسب الدووق ونخلييواه حتى يتعسل مزياان ونزيدو شي شوية ماء زهر وصاافي نقدمو الرزيزة بالطريقة لي في الصوورة
1
2
3