بغيتي تغلاضي وتزيدي وزنك فرمضان بطريقة سليمة وصحية اجي ها وصفتك هنا

وصفة ديال المعقول صحة وجمال وماكلة ودوا
نزولا تحت رغبة العديد من الاخوات غادي نعطيكم وصفة ناجحة ومجربة
باذن الله تعالى ولكن المداومة حتى تحصلي على النتيجة الي بغيتي وتفتح لك
الشهية وتزيد في وزنك وتسمنك وتجملك ودير لك حنيكات وزيد وزيد غادي
تحضريها بحال الزميتة

ستحتاجين الى المواد التالية :

كيلو من الحمص
كيلو من الشعير
كيلو الفول مقشر
كيلو من القمح
كيلو من الذرة
نص كيلو الصوجا راها
خضرة في اللون وصغيرة
1 زلافة الحلبة البلدية
1 زلافة زريعة الكرعة
حفنة الزعتر
هاذو غادي يتنقاوا ويتغسلوا ويتشمشو ويتحمروا في الفران وتديهم
للطاحونة يطحنوا وملي تجيبيهم تغربليهم

وتضيفي لهم باقي المقادير

زلافة اللوز مقشر ومحمر ومطحون
5 دراهم كروية مطحونة
5 دراهم نافع بستاني مطحون
5 دراهم النافع النجمة مطحون
كاس صغير السانوج مطحون
2 كوزات صحراويات
1 معلقة كبيرة القرفة
10 حبات حتى ل15 ديال
خميرة البيرة مطحونين

الطريقة:

يتخلط كلشي مزيآآآن وتعمليه في شي سوبيرة يكون عندها الغطاء وتبداي
تاخذي منها قبل الفطور بعدما تكوني شربتي كاس الماء عادي ماشي بارد من
الثلاجة لالا برودة عادية زيدي عليه قطيرات الحامض وشربيه قبل الفطور
تيغسل الذات كاملة ويصفيها من السموم
ومن بعد خلطي 2 معالق كبار او اكثر حسب الرغبة ديالك في الاول
غير 2 معالق حتى تولفي عليه بما ان الشهية عندك مفقودة هكذا احسن
ومن بعد تبداي تزيدي في الكمية الي تشهيتي من الخليط الي وجدتي وضيفي ليه
معلقة الزيت البلدية ومعلقة العسل وكبي عليه الحليب
سخون او الماء الي بغيتي وكليهم وفطري مع راسك
عادي وما تجي فين تكملي ساعيتن او اقل حتى تبغي تاكلي
اي حاجة شافتها عينك وداومي عليه 3 مرات في النهار
وخاصة قبل النوم باش ملي تفيقي غادي تحسي
براسك فيك الجوع وغادي تفتح لك الشهية وتيفتح لون بشرة
الجسم كله من الوجه الى الاصبع الصغير وتتعمر الصدر
وان شاء الله تفيدكم الوصفة
وجديها بحال الزميتة فيها الدوا ومنفعة كبيرة والحبات ديال
الخميرة الى بغيتي ضيفي اكثر زيدي اكثر لانها فيها دواء كثيييير
وتعتبر غذاء مكمل وتتفتح الشهية
وبالصحة والراحة
ملاحظة الى كان في جسمك فيه الدغل يعني فيه السموم
راه في الاول غادي تجيك بحال الاسهال لا خوف من ذلك
غير يومين صافي شربي معلقة الكمون وتكملي على عملك
وان شاء الله ما يكمل الشهر حتى تلقاي راسك تتوزني اكثر