لالة مولاتي كتقدم ليك غريبة البهلة من ألذ ما يكون كتجي مشققة و مرملة ..كتذوب فالفم
المقادير
1
2
3
- 1كغ فورص
- رابعة سكر كلاص
- رابعة زبدة العبار
- رشة ملح
- شوية المسكة حرة مدقوقة
- نصف رابعة زنجلان محمر
- نصف رابعة لوز مقلي و مطحون
- 3 خمارات
- زيت المائدة الكافي لجمع العجين
الطريقة
- نغربل الدقيق و نخلطه مع السكر كلاص حتى هو مغربل، نضيف الملح و المسكة الحرة ثم نخلط بالزبدة و نخدمهم مزيان (نرملوا العجينة مزيان)
- نخليوا العجين في بواطة أو بلاستيكة غذائية لمدة 24 ساعة ثم نضيف الخميرة، اللوز، الزنجلان و نبداو نجمعوها بالزيت بشوية بشوية حتى تولي عندنا عجين قابل للتكوير.
نكوروا الغريبة ديالنا في حجم مشمشة صغيرة و نصففهوم في طاوة
ندخلوهم لفرن معتدل نشعلوا عليهم من الفوق حتى يبداو يتشققوا عاد نشعلوا من لتحت. بصحتكم و راحتكم