شيفلور مشرمل جد لذيذ بهاد الطريقة الوليدات غادي يحماقو عليه
غادي نحتاجو شيفلور مسلوق او مبخر ونخليوه احتا يستقطر مزيان ويبرد
من بعد نوجدو شرمولة فيها معدنوس وتومة والزيت والملح وخرقوم وطحميرة وكامون وابزار وسودانية انا تنحماق اعلى الحار ونديرهم يتشحور غير شوية
من بعد ماتشحرت الشرمولة نزيدو الشيفلور ونمعسوه ونبقاو نحركو فيه احتا يشرب الشرمولة مزيان وينشف
من بعد مانشف تنزيد ليه البيض انا دارت البيض غير اللي غادة ناكل اليوم اما اللي غادة نخلي فالتلاجة احتا نبغي ناكلو عاد ندير ليه البيض
1
2
3