تارت الحامض
تارت الحامض
السلام عليكم و رحمة الله تعالى و بركاته
اخواتي العزيزات كنقدم ليكم الطورطات الصغار اللي كندير دائما و اللي بغيت نشاطرهم معاكم و نعطيكم المقادير و الطريقة و تعطيوني الخبار و راه ما غتندموش الى جربتوهم حيت ساهلين و في المتناول ديال اي واحدة فيكم
مقادير العجينة المكسرة
200 غ دقيق
100 غ زبدة
30 غ سكر كلاصي
ملح
صفر بيضة
القليل من الحليب او الماء
الطريقة
نخلطوا الدقيق+الزبدة+السكر كلاصي+الملح حتى يصبح الخليط مرمل كما في الصورة
تم نضيف صفر بيضة + القليل من الحليب او الماء حتى تتجمع العجينة و تصبح كرة
1
2
3
تم نضعها في التلاجة كي ترتاح نصف ساعة انا كنستعملها مباشرة
نسرحوها بالمدلك و نديروها في مولات صغار ديال التارت
تم نتقبوهم بالفرشيط او السكين تم في المجمد 5 دقائق حتى يقصاحوا و هاد الطريقة ما كتخليهمش ينزلوا ملي كنديروهم في الفرن
و هنا ملي خرجتهم من الفرن
تقدروا طبعا تديروا العجينة ديالتكم
و دابا نمشيوا للحشوات
تارت الحامض
مقادير كريمة الحامض(الكمية ل12 تارت صغيرة)
قشورحامضة و نصف
60 غ سنيدة
40 غ عصير الحامض
1 بيضة
150 غ زبدة
نضع في كاصرونة قشور الحامض+السنيدة+عصير الحامض+البيضة مطربة
تم نضعها فوق نار مهيلة مع التحريك باستمرار حتى تعقاد قليلا و تدير فقاعات تم نزيلها من على النار
تم نتركها تبرد تم نضيف الزبدة انا كنضيفها مباشرة و هي سخونة
تم نطحنوها جيدا حتى تصبح كريم
تم نملا بهم التورتات مباشرة تم نزينهم بالشكلاط (مذاب في بان ماري و موضوع في كورني ديال ورق الطهي) على شكل خطوط او اللي بغينااللي عزيز عليه الحامض غا يحماق على هاد التارت و هاد لكريم بحال ديال الزبدة غير هادي بنكهة الحامض و تقدروا تكتروا من قشور الحامض الى كان عزيز عليكم الحموضة و يمكن تعويض الزبدة بالمارغرين غير بالزبدة كتكون احسن