شنيك بلكراميل

شنيك بلكراميل
شنيك بلكراميل

المقادير

15 سنتلتر حليب دافي
معلقة كبيرة خميرة
2 معالق كبار سكر كلاصي
ملح
600 غ طحين
قشور حامضة محكوكة
120 غ طراف زبدة
2 بيضات
رابعة سنيدة
70غ زبدة
12 سنتلتر ماء
2 معالق قرفة + 150غ زبيب +3 معالق كبار سكر كلاصي +
2فاني

الطريقة

ناخدو 15 سنتلتر حليب دافي مع معلقة كبيرة خميرة و 2 معالق كبار سكر كلاصي
و ملح و نخلطو كلشي فزلافة و نغطيوها و نخليوها تخمر.
و ناخدو 600 غ طحين مع قشور حامضة محكوكة و نبسبسوهوم ب 120 غ طراف زبدة
و نخليو طحين يشربها مزيان. ثم ناخدو 2 بيضات و نطربوهوم و نخلطوهوم مع خليط
ديال لخميرة و نجمعو بيها طحين و ندلكو لعجين مزيان و نخليوه يخمر ساعة و نصف.
كراميل:ناخدو رابعة سنيدة مع 70غ زبدة و 12 سنتلتر ماء و نديروهوم فكسرونة
فوق عافية مهيلة حتى يتعسلو مزيان. ناخدو ديك لاطة للي فيها 12 مولات صغار
ونبقى نخويو فكل مول معلقة كبيرة ديال لكراميل و نرشهوم بلكركاع مهرمش.
نمشيو لعجينة ديالنا و نورقوها بلمدلك و تكون 45سنتمتر على 30 سنتمتر و نرشها
بلخليط لمكون من 2 معالق قرفة + 150غ زبيب +3 معالق كبار سكر كلاصي +
2فاني نخلطو كلشي و نرشو بيها لعجين للي سرحنا و نلويوها و ندخلوها للتلاجة 15د
ثم نقطعوها دوائر عراض شوية و نحطوهم فلمولات لصغار و نخليوهم يخمرو 30د
و منين نبغيو نطيبوهوم نديرو طاوة من لتحت عاد نديرو لمول باش ميتحرقوش لينا.