كيكة بالكريم باتسيير والشكلاط
كيكة بالكريم باتسيير والشكلاط
1
2
3
السلام عليكم الغزالات اليوم درت كيكة كاتجي خفيفة بحال القطن وزينتها باللي موجود فالكوزينة
نتمنى تقبلو عليا
بالنسبة للمقادير عندنا
2 بيضات
2فاني
2خمارات
كاس صغير سكر انا درت نص كاس على حسب عندنا فالدار للي ماكاياكلش الحلاوة
كاس زيت
1دانون ديال درهم
كاس طحين
نخلطو بالطراب الكهربائي البيض والفاني والسكر
من بعد نزيدو الزيت ودانون
من بعد الطحين والخمارات
نكبو العجينة فمول وندخلوها للفرن
ملي طابت كانقلبوها فطبسيل
ونديرو فوق منها الكريم باتسيير
منبعد نزينوها حسب الرغبة الى بغيتي حكي فوق منها شكلاط
او ديري الفرمسيل ديال الشكلاط
او ديري كرم باتسيير بالشكلاط ورشي الكوك
او ديرو بحالي ههههههههههههه
هاهي بالصحة والراحة
نصيحة اليوم: الى كاتجيك الكيكة مقببة او نصف عالي نصف هابط يعني سطح غير مستوي
اليك الحل مللي تخوي العجينة فالمول هزيه العلو ديال 10 ستم وضربي بيه فوق البوطاجي شي 3 المرات