الموت يفجع المغربية رباب أزماني زوجة الفنان فريد غنام
أعلنت المؤثرة المغربية رباب أزماني قبل ساعات قليلة عن خبر وفاة جدتها، التي ناشدت متابعيها قبل فترة قصيرة بمساعدتها لتلقي الرعاية الطبية بسبب إصابتها بفيروس كورونا٠
ونشرت رباب صورة تجمعها بجدتها عبر حسابها الشخصي على الأنستغرام وأرفقتها بتدوينة تنقل من خلالها خبر الوفاة إلى متابعيها، وقالت في هذا السياق: “إنا لله وإنا إليه راجعون…كنت باغية نلبسو بأربعة بنا نفس اللبسة في حفل ختانة كرم …كنت باغية نعملو جلسة تصوير لأربعة أجيال…كنت باغياك تشوف بنت سمر و نرجعو خمسة أجيال…باقي ما قلتلكشي بلي كنت كنفتخر بك ملي كنت طفلةو كنقولهم مامي باقة صغيرة و مزيونة و حنينة…ملي كانو كيشوفوني معك، كيقولولي كتكذب علينا هادي ماماك، خصوصا ملي كيسمعوني كنعايطلك مامي !
في خبارك كنت كنبغي طنجة غير حيت نتينا فيها …كنتي كتفرح بزاف ملي كنقولك عمري كليت شي ماكلة لذيذة أكثر من ديالك و في نفس الوقت كتحشم !
عييت نحاول نتفكر شي نهار عاليتي فيه صوتك عليا أو خصارتيلي خاطري …بالعكس ديما كنجي نشكي عليك و كنلقاك أحن وحدة عليا في هاد الكون …نتينا كنتي الركيزة بالنسبة ليلي و الخير و البركة !كنتي كدافع عليا ملي كيقولو رباب ما كتعايطشي في التيليفون بزاف…
حيت عارفة بلي معزتك أكثر من ألو، و بلي هاديك هي طبيعتي…
أخر اتصال كان بيناتنا قولتيلي عتاقني الله يخليلك كرم…و هاد الجملة نهار و ليل في ودني كذباحني…وخا الله لي عالم عملت أكثر من جهدي…أسبوعين ما نعست… ما وقفت الدعاء… ما وقفت بكا…ما وقفت وصايا عليك…ما نزلت التيليفون من يدي…دقيقية بدقيقة كيعطيوني خبارك…
و حتى تصاورك لي قبالت عيني غتبقى مدى الحياة !طبعا باقة كنفتخر بك حيت كلشي كيقول نتينا المرا د الجنة و ربي بغاك في يوم الجمعة لي عظيم عندو و ختارك تكون شهيدة الوباء …الحاجة الوحيدة لي كتصبرني و لو بنسبة قليلة على فراقك… هي أنني متأكدة أنك مرتاحة دبا برحمة الله …
كنوعدك غنعمل جهدي كامل باش نتلاقاك في الجنة. إنا لله وإنا إليه راجعون “٠
1
2
3