جديد!! تحضير بسيطلات صغار بالدجاج
تحضير بسيطلات صغار بالدجاج
المقادير:

1

2

3

عمارة دجاج

كيلو دجاج ( أنا كنديرالصدرحينت صحي على الفخاد) 1/2كاس زيت الزيتون + 1/2كاس زيت العادية 2بصلات كبار مقطعين (نص دواور رقاق ماشي مشلضين) ربطة مخلطة بين قزبر ومعدنوس 2معالق صغار عامرين سكينجبير ملعقة الملح ربع ملعقة بزار ربع ملعقة خرقوم قرفة عواد زعفران شعرة الكمية على حسب الذوقق شوية السمن 8بيضات

عمارة اللوز:

نص كيلو اللوز 2 معالق كبار ماء الزهر 1/2ملعقة صغيرة القرفة قبصة المسكة الحرة 250gسنيدة

الطريقة تحضير:

نقلي البصلة في الزيت, نزيد التوابل ,نزيد لقزبر ومعدنوس,عواد قرفة,السمن والدجاج لي كنت نقيتو ودرت ليه نفس التوابل وخليتو الثلاجة الليلة لي قبل(هدي طريقتي الي كندير) ونخلي حتى يتشحر كلشي نزيد الماء( اللي كنت درت فيه شعيرات الزعفران حر بشي ساعة قبل ما نبدا الطياب)

كنسد عليه في طنجرة حتى يطيب ,من بعد كنحيد الدجاج, وكنقص النار على الطنجرة حتى كتشحر المرقة شوية كنزيد عليها ربع ملعقة القرفة مدقوقة ، من بعد كنخد البيض وحدة بوحدة نتديرهم في المرقة على نار هادئة مع التحريك المستمر حتى نكملهم كاملين,وهذي هي العمارة د البيض اللي كنحتفظ بها فطبسيل

كنخد الدجاج كنقطعو بيدي قطع صغيرة ونحتفظ به فطبسيل آخر.

كنخذ اللوز نصلقو شوية ونقليه ونشفو مزيان من الزيت نديرو في الطحانة مع سنيدة يتهرمش رقيق (حدشي كنديرو ملي يكون الدجاج كيطيب) كزيد على اللوز مهرمش القرفة المسكة الحرة والزهر..واللي بغات نزيد وحد ربع كأس الزبدة مدوبة لعمارة د اللوز ,باش متجيش البسطيلة ناشفة.

ها العمارات بتلاتة واجدين. كنخد الورقة د البسطيلة كندهنها مزيان بالزبدة وكنسرحها فزلافة كبيرة أو( porte manger) مدورة, وكنبدا فالأول بعمارة اللوز ثم البيض عاد الدجاج ,باش إلى قلبنها فالطاوة يكون الترتيب عكسي,كنجمع الجناب بصفار وكنفلبو الزلافة بشويية في الطاوة, وهكا حتى كنكمو البسطيلات الصغار كاملين..كندهن بشوية ديال صفار البيض وكندخلهم بتحمرو فالفران .. من بعد ما تحمرو كنخليهم يبردو شوية,عاد كنزوقهم بالقرفة و السكر كلاصي.