طورطة الشكلاط بكريمة الشونتيي
طورطة الشكلاط بكريمة الشونتيي
طورطة الشكلاط بكريمة الشونتيي و الكوك
1
2
3
المقادير اولا الجنواز
6 بيضات
200 غ سكر
200 غ دقيق زولت منو 2 معالق كبار و عوضتهم بالكاكاو
فاني
طربت البيض و السكر مزيان حتى تضاعف الحجم ديالو على 3 ديال المرات
عاد ضفت عليه الدقيق و الكاكا مغربلين و خلطت مزيان و غير بشويش من
التحت الفوق و ضعتو فمول مدهون بالزبدة و مرشوش بالدقيق و دخلتو الفران
حتى طاب
من بعد ما برد تماما عاد قسمت الكيك على 3 و قبل ما نفرقو الطبقات على بعضهم نديرو عويد ديال السنان فكل طبفة و يكون واحد فوق الثاني يعني يكونو مقادين, انا كانت ديما طورطة كتجيني مايلة و لكن مع هاد الحيلة ولات ديما كتجيني مقادة
خليت الكيكة على جنب و بديت كنوجد فالكريمة , درت فيها الكريم فريش 400 غ مع 80غ سكر 80غ كوك , طربت الكريم فريش مع السكر من بعد ما ولات شنتيي ضفت عليها كوك و خلطت و ها الكريمة موجودة
فرقت طبقات الكيك على بعضهم و سقيت اول طبقة بفانطا و غطيتها بالشونتييه و الكوك و درت الطبقة الثانية و حطيتها من فوق الاولى و يكون لعويد ديال السنان من فوق العويد الاول تماما باش تجينا الطورطة مقادة و نفس الشيء درت مع الطبقة الثالتة
من بعد درت كناش ديال الشكلاط و ضفت عليه شويش ديال الشكلاط بني و غطيت به الطورطة , و نفس الكناش درت به وريدات باش زينتها , و دوبت الشكلاط الابيض و رسمت به وريدات على جناب الطورطة و بشيتة بديت كنجر من طراف الوريدة