بريوات مالحين بحشوة جديدة و لذيذة بالصور
بريوات مالحين بحشوة جديدة و لذيذة بالصور
مقادير
1
2
3
كلمار
كروفيت
زيت زيتون تقريبا نص كاس
فلفلة حمراء مقطعة مكعبات
ضرس كبير ثوم
ملعقة كبيرة عامرة قزبور مقطع
2 حبات طماطم مقطعين مكعبات صغار
ملعقة كبيرة من صلصة الطماطم خفيفة
4 ورقات الرند ( ورق موسى )
توابل : ملعقة كبيرة تحميرة + نص ملعقة صغيرة إبزار + سكنجبير + ملعقة صغيرة كمون + ملح + الحار حسب الذوق
نصف كيلو ورقة البسطيلة مقطعة على أربعة
حفنة زيتون أخضر مقطع
ربع حامضة مصيرة محيد ليها اللب ومقطعة مكعبات
نص باكية كبيرة شعرية الصينية
شمبنيون
بيضة للذهن
للتزيين فروماج محكوك
طريقة اعداد
سخني الزيت وعملي الكلمار يتقلى فيه حتى يطيب
زولي الكلمار وفي نفس الزيت عملي الفلفل يدبال مزيان وضيفي عليه الثوم والقزبور
غير تبدا تطلع ريحة الثوم ضيفي جميع التوابل
وحد 2 دقايق وضيفي الكروفيت والكلمار
خليهم وحد الشوية ثم ضيفي الطماطم وصلصة وخليهم يطيبو حتى تدبال مزيان وتجي بحال معسلة وحد الشوية
ضيفي الزيتون، الشامبنيون والحامض مصير
والشعرية بعد غليها في الماء من 2 الى 3 دقايق صفيها من الماء وقطعيها بالمقص
خلطي الكل جيدااا وخلي الحشوة تبرد والنكهات تنساجم مع بعضها
قومي بتشكيل القنينطات بالطريقة العادية ولصقيها وذهنيها بالبيض ودخليها للفرن
مباشرة من بعد ما تخرجيهم من الفرن حكي عليهم شوية الفروماج أحمر
