تحضير مخ الغنمي مشرمل كيجي بنين وهائل المذاق

*مقادير المخ. 

4 مخ غنمي

1 معلقة كبيرة مركز مطيشة
5 سنتل ماء
4معالق كبار معدنوس وقسبور مقطعين رقاق
3 رويسين الثومة
1 معلقة صغيرة تحميرة
1 معلقة صغيرة كمون
1/2 معلقة صغيرة فلفلة حارة مدقوقة
1/2 معلقة صغيرة ملح
1/2 معلقة صغيرة ابزار
10 سنتل زيت زيتون
5 سنتل خل
1 ل ماء ساخن

*طريقة تحضير مخ مشرمل 

نصبوا الخل في الماء الساخن ونحطوا فيه المخ لمدة 2 دقايق ونستقطروهم
نحيدو ليهم الجلدة غير بالشوية ونحيدوا العروقة الصغيورين
في مقلاة طيفال أو طجين حسب الإختيار
نديروا مركز مطيشة مخلط في شوية الماء
نزيدوا عليه الربيع الثومة والتوابل والزيت ونخلطوا
ونحطوا المخيخات يا اما مقطعين ولا من الأحسن صحاح
ونخلوهم يتشربوا الخليط لمدة 15دقيقة  على عافية مهيلة حتى تعقد المريقة
ونقدموهم.