طورطات صغار مزينين بالكريمة و الشكلاط
طورطات صغار مزينين بالكريمة و الشكلاط
1
2
3
مقادير الجينواز
2 بيضات
65 دقيق
65 سكر
فاني
كريم باتسري خذيت هذا غبرة بنكهة الفريز أضفت له نصف لتر حليب و 4 معالق سكر
ضربت البيض مع السكر و الفاني بالضراب مزيان
أضفت لهم الدقيق مغربل و خلطتو بالشوية
فرغت العجين في مول الكاب كيك
بعد ما طاب الجينواز و برد
قسمت كل جينواز على 2 و سقيتهم بالسيرو
ثم طبقة من الكريم باتسري وغطيت بالطبقة الثانية مسقية بالسيرو
خذيت 3 الجينواز غلفتهم بالكنا
الأولى غطيتها بكناش الشكلاط بالحليب
خذيت 50 غرام شكلاط بالحليب و ضعتو في كسرونة مع نصف كأس قشدة طرية سائلة
و ضعتهم على نار مهيلة حتى داب الشكلاط و فرغتو على الجينواز خليتو نشف شوية
و لصقت على الجوانب الكوك و زينت من الفوق بالشكلاط الأبيض بواسطة قمع من ورق الزبدة
الثانية غطيتها بالشكلاط الأبيض دايب وحدو و زينتها من الفوق بالمربى ملون
خذيت 2 معالق مربى المشماش عملتها في كسرونة أضفت لها معلقة سكر كلاصي
و قبصة من الملون الأخضر عملتو على نار مهيلة حتى داب السكر فرغتو في قمع و زينت به
الثالثة غطيتها بكناش الشكلاط الأسود و زينتها من الفوق بالشكلاط الأبيض
نفس طريقة الكناش الأول عملت 50 غرام شكلاط أسود مع نصف كأس قشدة طرية سائلة
الثلاثة الباقيين غلفتهم بالقشدة الطرية مضربة
الأولى لصقت على الجوانب كاوكاو مهرمش و عملت الفوق دائرة بالقشدة الطرية
و عمرت الوسط بالمربى الملون
الثانية لصقت على الجوانب فرمسيل الشكلاط و زينتها من الفوق بالقشدة الطرية و حبة بندق
الثالثة خذيت الشكلاط محكوك لصقتو في الأسفل و الكناش لي بقى ليا خليتو برد ضربتو بالضراب
و عملت به وردة بواسطة جيب حلواني و فوقها نصف حب ملوكة معسلة
الأشكال لي مزينيين بالشكلاط
و الأشكال لي مزينيين بالقشدة